Fjögur mörk og þrjú stig hjá AGF

Björn Daníel Sverrisson og Theodór Elmar Bjarnason voru báðir í byrjunarliði AGF sem rúllaði yfir Aalborg, 4-0, í dönsku úrvalsdeildinni í kvöld.

Þetta var mikilvægur sigur hjá AGF sem hafði tapað tveimur leikjum í röð fyrir leikinn í kvöld.

Björn Daníel og Elmar voru báðir teknir af velli á 82. mínútu, í stöðunni 3-0.

Björn Bergmann Sigurðarson lék allan leikinn í framlínu Molde sem gerði markalaust jafntefli við Haugesund í norsku úrvalsdeildinni.

Molde hefur farið ágætlega af stað á tímabilinu og situr í 5. sæti deildarinnar með 10 stig, þremur stigum á eftir toppliði Rosenborg.

Óttar Magnús Karlsson lék síðustu 26 mínúturnar í liði Molde.