Færeyingar loksins orðnir 50 þúsund talsins

Frændur okkar í Færeyjum hafa náð langþráðu takmarki í íbúafjölda; þeir eru orðnir alls 50 þúsund talsins. Lögmaður Færeyja, Aksel Johannesen, fór á fæðingardeildina í dag með blómvönd í tilefni þessa en fyrr í dag greindi hagstofan í Færeyjum frá því að þann 1. apríl síðastliðinn hafi Færeyingar verið alls 50.030.

Búið var að reikna út að Færeyingar myndu ná þessum íbúafjölda í mars eða apríl á þessu ári. Á 8. og 9. áratug síðustu aldar var mikil fólksfjölgun í Færeyjum samhliða uppgangi í efnahagslífinu en aldrei náðist töfratalan, 50 þúsund. Árið 1992 skall síðan á kreppa í landinu og fyrir tíu árum einnig og hægði þá á fólksfjölguninni.

 

Nú er takmarkinu hins vegar náð en samkvæmt Henrik Old, ráðherra samgöngumála, innviða og vinnumála, spilar inn í að á seinasta árum hafa Færeyingar sem flutt hafa erlendis snúið heim í auknum mæli flutt heim til að starfa þar. Er það samkvæmt stefnu ríkisstjórnarinnar frá árinu 2013 um fólksfjölgun og innflytjendamál.