Celtics að missa flugið

Boston Celtics er ekki að halda vel á spöðunum í baráttunni um efsta sætið í Austurdeild NBA-deildarinnar.

Í fyrradag tapaði liðið gegn Cleveland og missti toppsætið og því var svo fylgt eftir með tapi gegn Atlanta í nótt þar sem Atlanta skoraði 71 stig í fyrri hálfleik.

Fram að þessum leikjum var Celtics búið að vinna fimm af sjö leikum og líklegt til þess að vinna Austurdeildina.

Það er þó ekki hægt að kenna Isaiah Thomas um tapið því hann skilaði 35 stigum fyrir Celtics sem spilaði engan varnarleik í fyrri hálfleik.

Úrslit:

Philadelphia-Chicago  90-102

Orlando-Brooklyn  115-107

Indiana-Milwaukee  104-89

NY Knicks-Washington  103-106

Atlanta-Boston  123-116

Portland-Minnesota  105-98

Staðan í NBA-deildinni.