Fannar mætti of seint úr skíðaferð og skammaði sem aldrei fyrr | Myndbönd

Eftir að hafa verið lítill í sér í síðasta þætti af Domino's Körfuboltakvöldi átti Fannar Ólafsson stórleik í þætti gærkvöldsins.

Fannar mætti reyndar of seint í þáttinn þar sem hann var á skíðum.

Þótt það hafi verið kalt uppi í Bláfjöllum var Fannar sjóðheitur í dagskrárliðnum Fannar skammar.

Gamli landsliðsmiðherjinn byrjaði á því að biðja aðstandendur Körfuboltakvölds og íslensku þjóðina afsökunar á frammistöðu sinni í síðasta þætti.

Fannar setti svo upp skíðahjálminn og óð af stað í sennilega bestu útgáfuna af Fannar skammar frá upphafi.

Innkomu Fannars og Fannar skammar má sjá hér að neðan.