Tónlistarveisla á Hlustendaverðlaununum

Hlustendaverðlaunin voru haldin með pompi og prakt í Háskólabíó í gærkvöldi og var um sannkallaða tónlistarveislu að ræða þar sem hlustendur Bylgjunnar, FM957 og X977 kusu inná Vísi.is.

Tónlistarveislan var í beinni útsendingu á Stöð 2 og Vísi.is og heppnaðist hátíðin stórkostlega, þar sem fjölmargir listamenn komu fram, þar á meðal Emmsjé Gauti og Friðrik Dór.

Rokksveitin Kaleo vann til tvenna verðlauna, og það sama má segja um söngvarann Friðik Dór Jónsson. Þá hlaut Emmsjé Gauti einnig verðlaun, ásamt Aroni Can og Sölku Sól.

Sjá einnig: Kaleo og Frikki Dór sigurvegarar Hlustendaverðlaunanna

Eins og sjá má á meðfylgjandi myndum var stemningin í Háskólabíó hreint út sagt mögnuð, í tónlistarveislu þar sem margir af bestu tónlistarmönnum Íslands voru samankomnir á einum stað.