Umhverfisráðherra Þýskalands keypti Tesla Model S í hefndarskyni

Mikið er nú deilt á Umhverfisráðherra Þýskalands í heimalandi hans þar sem hann keypti nýverið bandarískan rafmagnsbíl, Tesla Model S 90D, en ekki þýskan. Hann keypti bílinn fyrir opinbert fé og ekki þykir það styrkja málstað hans. Hann svarar hinsvegar gagnrýninni með því að enginn þýskur rafmagnsbíll hefur nærri jafn mikið drægi og Tesla Model S 90D, eða 512 kílómetra.

Sá sem næstur honum kemur af heimabílum er Volkswagen e-Golf með 300 km drægi og er sá bíll nýkominn á markað. Með kaupum sínum á Tesla bílnum er Umhverfisráherrann Johannes Remmel að skjóta á þýska bílaframleiðendur og benda þeim á að þeir bjóða ekki rafmagnsbíla með nærri því eins mikið drægi og Tesla.

Þó svo að Volkswagen bílasamstæðan hafi uppi áætlanir um 30 nýja rafmagns- og tengiltvinnbíla fram til ársins 2025, þá sé enn ekki kominn fram rafmagnsbíll sem stenst Tesla bílum snúninginn hvað drægi varðar og ráðherrann er með kaupunum að hvetja þá til að bæta úr þessu sem fyrst.

Volkswagen ætlar að setja á markað I.D. Concept rafmagnsbíl sinn árið 2020 með 600 km drægi, en í það er á fjórða ár og allt eins víst að rafmagnsbílaframleiðendur í öðrum löndum verði þá búnir að skáka honum við í drægi.