Körfuboltakvöld: Var leyniskytta í Mustad-höllinni?

Það mætti halda að það hafi verið leyniskytta á áhorfendapöllunum í leik Grindavíkur og Snæfells sem fór fram í Mustad-höllinni á fimmtudaginn.

Grindavík vann stórsigur í leik liðanna, en í leiknum gerðist skondið atvik. Árni Elmar Hrafnsson bar þá upp boltann og gabbaði Magnús Má Ellertsson það mikið að hann datt í jörðina.

Félagarnir í Körfuboltakvöldi, þeir Kjartan Atli Kjartansson, Kristinn Friðriksson og Hermann Hauksson, höfðu hrikalega gaman af þessu og úr varð þetta skemmtilega innslag sem má sjá hér að ofan.

Sjón er sögu ríkari.