Andrés Iniesta er lifandi goðsögn á Nývangi og án vafa í hópi bestu knattspyrnumanna félagsins frá upphafi. Það fer ekki mikið fyrir kappanum utan vallar en inn á vellinum hefur hann verið lykilmaður á miðjunni í einu besta liði heims í áratug.
Andrés Iniesta spilaði sinn fyrsta leik fyrir unglingalið Barcelona 6. október 1996 en hann hafði komið til félagsins tuttugu dögum áður. Andrés Iniesta, sem er frá Fuentealbilla í Albacete, var tólf ára gamall þegar hann kom til Barcelona en hann vann sig fljótt upp metorðalistann á leið sinni í aðalliðið.
Iniesta spilaði sinn fyrsta leik með aðalliðinu tímabilið 2002 til 2003 en varð ekki fastamaður fyrr en 2004-05.
Iniesta er ásamt Lionel Messi eitt allra besta dæmið um það að Masia akademían er að skila frábærum fótboltamönnum inn í aðallið Börsunga.
Andrés Iniesta hefur spilað 600 leiki með Barcelona og hefur unnið 29 titla með félaginu. Iniesta varð Spánarmeistari í áttunda sinn síðasta vor og bikarmeistari í fjórða sinn. Hann hefur einnig unnið meistaradeildina fjórum sinnum með Barcelona.
Hoy celebramos que @andresiniesta8 se estrenaba de azulgrana con 12 años. Lo reviviremos con el hashtag #Iniesta20 pic.twitter.com/TaziIEJuaL
— FC Barcelona (@FCBarcelona_es) October 6, 2016
Ponemos a prueba la memoria de @andresiniesta8 20 años después de su debut como azulgrana #Iniesta20 https://t.co/ptZzrA1QYF pic.twitter.com/8K62RuWxtc
— FC Barcelona (@FCBarcelona_es) October 6, 2016
#Iniesta20 TweetsWhat a career... #INIESTA20 #GENIUS pic.twitter.com/TVeOosqlUj
— Ekrem Şanal (@ek2m) October 6, 2016