Keypti alla lokaframleiðslu Dodge Viper

Á næsta ári lýkur framleiðslu kraftabílsins Dodge Viper og markar það endalok þessa allt að 640 hestafla tíu strokka bíls sem framleiddur hefur verið frá árinu 1992. Dodge ætlar að hætta framleiðslu hans vegna ónógrar sölu bílsins, en til er þó söluumboð í N-Karolínu sem hefur trú á því að enn séu margir áhugasamir kaupendur af bílnum.

Þess vegna keypti þetta bílaumboð, Gerry Wood Dodge í Salisbury, alla þá framleiðslu sem á bílnum verður uns henni verður hætt, eða 140 bíla. Því mun þessir kaupendur, ef þeir á annað borð finnast, þurfa að snúa sér að Gerry Wood Dodge ef þeir vilja tryggja sér eitt af þessum síðustu eintökum af bílnum.

Gerry Wood Dodge hefur pantað bílana í sérstökum útgáfum í fjölbreyttum litum sem ekki hafa sést áður á Viper bílum og sjást þrír þeirra hér að neðan.