Clooney frétti af skilnaði Pitt og Jolie í miðju sjónvarpsviðtali við CNN

Leikkonan Angelina Jolie sótti um skilnað frá Brad Pitt á mánudaginn og rötuðu fréttirnar í heimsmiðlana í gær. Þau hafa verið saman síðan árið 2004 en giftu sig árið 2014.

Einn besti vinur Brad Pitt, George Clooney, frétti af skilnaðinum í miðju viðtali við CNN í gær. Þeir hafa verið góðir vinir síðan 2001 þegar þeir léku saman í myndinni Ocean's Eleven.

Clooney var í viðtali við CNN þar sem hann tók þátt í hringborðsumræðu Sameinuðu þjóðanna um flóttamannavandann.

„Hvað áttu við, hvað gerðist?“ sagði Clooney við fréttamanninn þegar hann byrjaði að tala um skilnaðinn. Clooney vissi ekki af málinu.

„Ég vissi þetta ekki. Vá. Þetta er mjög sorglegt og leiðinlegt fyrir fjölskylduna.“

Hér að neðan má sjá myndbandsupptöku af viðtalinu.

WATCH: George Clooney is stunned when CNN tells him Angelina Jolie & Brad Pitt are divorcing https://t.co/Hos12fgCZp pic.twitter.com/h94ewdrMuo

— CNN Entertainment (@CNNent) September 20, 2016