Sami maður og hrelldi Gigi Hadid kyssti afturenda Kim Kardashian

Athygli vakti á dögunum þegar fyrirsætan Gigi Hadid þurfti að beita sjálfsvörn þegar maður gekk aftan að henni og lyfti henni upp. Sökudólgurinn lét til skarar skríða á ný í dag þegar hann laumaði sér að Kim Kardashian og kyssti afturenda hennar.

Maðurinn, Vitalii Seduik, sem kallar sjálfan sig hrekkjalóm, laumaði sér framhjá öryggisvörðum Kim Kardashian þegar hún var að ganga að bíl sínum í París. Öryggisverðir Kim Kardashian voru þó afar fljótir að handsama Vitalii en óvíst er hvort hann hafi verið handtekinn.

A video posted by Ondine Azoulay (@ondineazoulay) on Sep 28, 2016 at 9:15am PDT

Kim þakkaði öryggisvörðum sínum kærlega fyrir aðstoðina en þetta er ekki í fyrsta sinn sem Seduiik lætur til skarar skríða gegn Kim en árið 2014 var hann nærri því búinn að tækla hana niður líkt og sjá má á meðfylgjandi myndbandi.

My security @PascalDuvier is a G

— Kim Kardashian West (@KimKardashian) September 28, 2016