Sigga Kling spáir Íslandi sigri gegn Englendingum

„Þetta endar 3-2 fyrir okkur,“ segir Sigga Kling og sem er í Frakklandi til þess að styðja strákana okkar. „Ég er með þetta á hreinu. Ég er samt með niðurgang af stressi og líka af því að ég er svo spennt að fara.“
Júlístjörnuspá kom út á föstudag bæði í Fréttablaðinu og hér á Vísi og var bjart í kortunum fyrir fjöldamarga Íslendinga. Hugsanlega gæti það verið vegna þess að Sigga sér sigurinn fyrir í Nice í kvöld.
Í hverjum mánuði les Sigga sjálf upp stjörnuspá hvers mánaðar sem birtist í myndböndum sem fylgja hverju stjörnumerki. Sigríður valdi sérstaklega flottan búning í þetta skiptið en hún er þar í sérsaumuðu dressi sem myndi tryggja henni sérstaka athygli meira að segja innan um hóp af stuðningsmönnum landsliðsins.
Tengdar fréttir

Júlíspá Siggu Kling - Ljónið: Þú verður að nenna ástinni
Elsku Ljónið mitt. Aldrei hefur nokkurn tíma verið sagt að það sé sérlega auðvelt að vera Ljón, en ég er alveg viss um að þótt þú fengir tilboð um að skipta um merki, þá myndir þú ekki gera það. Þið Ljónin eruð náttúrulega öll konungborin.

Júlíspá Siggu Kling - Steingeit: Þetta reddast
Elsku sterka Steingeit. Þú hefur svo mikla skoðun á því að allir eigi að vera jafnir og þú þolir alls ekki óréttlæti.

Júlíspá Siggu Kling - Hrútur: Þráhyggjan er bara blekking
Elsku sterki samúðarfulli Hrúturinn minn. Þú þarft alltaf að vera svo upptekinn og skipuleggja tímann þinn svo vel, til þess að finnast að þú hafir gert eitthvað rétt.

Júlíspá Siggu Kling - Fiskur: Hamingjan bankar á dyrnar
Elsku fallegi seiðandi Fiskurinn minn. Hversu dásamlegt á þetta sumar eftir að verða? Það eina sem getur að einhverju leyti truflað þig eða snúið þig niður er annað fólk sem þú ert að stressa þig á, en hefur enga ástæðu til.

Júlíspá Siggu Kling - Tvíburinn: Þitt besta sumar í lengri tíma
Elsku Tvíburinn minn. Ekki hefur verið lognmollunni fyrir að fara í kringum þig. Fólk reynir hvað það getur að hafa stjórn á þér en þú átt bara ekki að leyfa því það. Það getur enginn breytt líðan þinni nema þú gefir samþykki. Passaðu þig á þessu.

Júlíspá Siggu Kling - Vatnsberinn: Slúður er rödd andskotans
Hjartans Vatnsberi. Þú ert að fara inn í merkilegan tíma. Þú ert að fara inn í tíma heiðarleika. Þú ert að fara inn í tíma þar sem að sannleikurinn skiptir ofsalega miklu máli, þú átt eftir að heyra hver sannleikurinn er í hlutum sem þig óraði ekki fyrir.

Júlíspá Siggu Kling - Meyjan: Hrósaðu en ekki hrekkja
Elsku fallega Meyjan mín. Í sumar er mikilvægt að þú trítir þig eins og þú myndir tríta uppáhaldsmanneskjuna þína í öllum heiminum.

Júlíspá Siggu Kling - Bogmaður: Passaðu þig á hreinskilninni
Elsku hjartans Bogmaðurinn minn. Boginn þinn er strekktur til hins ýtrasta og á því augnabliki þarft þú að vera alveg pollrólegur svo að örin hitti það mark sem þú miðar á.

Júlíspá Siggu Kling - Sporðdrekinn: Opnaðu hjartað þitt
Elsku hjartans tilfinningaríki Sporðdrekinn minn. Þú býrð yfir meiri styrk og krafti en flest öll hin merkin.

Júlíspá Siggu Kling komin á Vísi!
Stjörnuspár Sigríðar Klingenberg spámiðils njóta gríðarlega vinsælda undanfarin ár. Mánaðarlega spáir hún fyrir lesendum Vísis og Fréttablaðsins, í formi texta og myndbands, en spár hennar fyrir júnímánuð má sjá hér fyrir neðan.

Júlíspá Siggu Kling - Krabbinn: Greddan ræður ríkjum
Elsku Krabbinn minn. Það er svo rosalega mikill Venus í kringum þig í sumar. Þú elskar og verður elskaður. Þú verður svo spenntur fyrir svo dæmalaust mörgu að þú veist varla hvert þú átt að stefna. Það er samt allt í lagi.

Júlíspá Siggu Kling - Vog: Hættu þessu tuði
Elsku hjartans Vogin mín. Ekki hafa samviskubit yfir neinu, ekkert bit er sárara einmitt en það. Þú pælir svo mikið í að þú eigir nú að vera búin með þetta, og þú þurfir að klára hitt og vera til staðar þarna, að þú getir fengið svo mikið samviskubit af þessu.

Júlíspá Siggu Kling - Naut: Vinátta er merkilegri en ást
Elsku hjartans Nautið mitt. Mikið afskaplega fara öll leiðindi í taugarnar á þér. Þú þarft sko ekki að hafa skoðun á öllu og það er allt í lagi að draga sig í hlé stöku sinnum.