Haukur og Hjálmar skoruðu báðir

Það var líf og fjör í stórleik AIK og IFK Göteborg í kvöld og Íslendingar komu mikið við sögu.

Haukur Heiðar Hauksson skoraði fyrir AIK og Hjálmar Jónsson skoraði fyrir Göteborg í leik sem endaði 3-3. Göteborg með 7 stig eftir þrjá leiki en AIK er með fimm.

Malmö tapaði óvænt á heimavelli, 1-2, gegn Sundsvall. Malmö tapað tveimur af fyrstu þremur leikjum sínum í deildinni en þetta var fyrsti sigur Sundsvall.

Kristinn Steindórsson og Rúnar Már Sigurjónsson voru báðir í liði Sundsvall og Kári Árnason var í liði Malmö. Viðar Örn Kjartansson spilaði síðustu 22 mínútur leiksins fyrir Malmö.