Kjartan Henry enn og aftur hetja Horsens

Kjartan Henry Finnbogason skoraði sigurmark AC Horsens í 2-1 sigri á FC Roskilde í dönsku B-deildinni í knattspyrnu í dag.

Morten Nielsen kom Roskilde yfir á 21. mínútu og gestirnir frá Roskilde leiddu 1-0 í hálfleik.

Delphin Tshiembe jafnaði svo metin fyrir Horsens á 77. mínútu. Í uppbótartíma tryggði svo Kjartan Henry Horsens sigur með sínu þrettánda marki í 22 leikjum.

Horsens er í öðru sætinu með 47 stig, en þeir eru tveimur stigum á undan Silkeborg sem er í þriðja sætinu. Horsens á þó leik til góða.