Friðrik Ingi hættur hjá Njarðvík

Körfuknattleiksdeild Njarðvíkur og Friðrik Ingi Rúnarsson hafa komist að samkomulagi um starfslok en þetta var tilkynnt á Facebook-síðu deildarinnar í kvöld.

Friðrik Ingi hefur þjálfað lið Njarðvíkur undanfarin tvö ár en í bæði skiptin féll liðið úr leik í úrslitakeppninni í undanúrslitum eftir tap gegn KR.

Sjá einnig: Gunnar: Miklar líkur á að Bonneau spili í Njarðvík

Gunnar Örlygsson, formaður deildarinnar, segir að breytingarnar séu gerðar í bróðerni en ekki er ljóst hver tekur við. Teitur Örlygsson, sem verið hefur aðstoðarþjálfari Njarðvíkur, sagði eftir tapleikinn gegn KR í síðustu viku að hann myndi hætta.

Yfirlýsingu Njarðvíkur má lesa hér fyrir neðan.