Umfjöllun og viðtöl: Njarðvík - KR 88-86 | Staðan jöfn eftir magnaða endurkomu Njarðvíkinga Ingvi Þór Sæmundsson skrifar 7. apríl 2016 21:30 Vísir/Ernir Haukur Helgi Pálsson tryggði Njarðvík magnaðan endurkomu sigur á KR, 88-86, í öðrum leik liðanna í undanúrslitum Domino's deildarinnar í kvöld. Njarðvík var mest 24 stigum undir, 38-62, í upphafi seinni hálfleiks en náði að tryggja sér sigurinn með ótrúlegum endaspretti og jafnaði þar með metin í einvígi liðanna. Haukur Helgi skoraði 27 stig fyrir Njarðvík, þ.á.m. sigurkörfuna þegar tæpar þrjár sekúndur voru til leiksloka. Logi Gunnarsson var einnig frábær í leiknum, og þá sérstaklega í 3. leikhluta þar sem hann skoraði 13 stig og hóf í raun endurkomu Njarðvíkinga. Þá skilaði Maciej Baginski 19 stigum af bekknum en 12 þeirra komu í lokaleikhlutanum sem Njarðvík vann 25-16. Darri Hilmarsson átti stórleik í liði KR og skoraði 28 stig en þau dugðu ekki til. Pavel Ermolinskij skoraði 17 stig og Michael Craion en hann fékk sína fjórðu villu eftir 11 sekúndna leik í seinni hálfleik sem hafði mikið að segja. Leikurinn í kvöld var allt öðruvísi en leikur eitt á mánudaginn. Sóknarleikur liðanna var miklu betri en varnarleikurinn ekki jafn sterkur. Njarðvíkingar voru sjóðheitir í byrjun leiks og hittu afar vel. Og þegar sex og hálf mínúta var liðin af fyrri hálfleik var liðið búið að skora meira en í öllum seinni hálfleiknum í fyrsta leiknum. Haukur Helgi og Logi drógu vagninn fyrir Njarðvík í sókninni en smám saman fundu KR-ingar leiðir til að stoppa þá og bættu um leið sinn eigin sóknarleik. Gestirnir skoruðu að vild og breyttu stöðunni úr 18-13 í 20-29 á síðustu sex mínútum 1. leikhluta. Njarðvíkurvörnin var einfaldlega ekki til staðar og réð ekkert við það þegar Pavel Ermolinskij keyrði inn í teiginn og setti boltann út á fría skotmenn. Darri Hilmarsson var sérlega góður en hann skoraði 10 stig í 1. leikhluta og 15 stig í fyrri hálfleik, líkt og Pavel. Njarðvíkingar gátu hvorki varist né tekið fráköst en í hálfleik var staðan í þeim tölfræðiþætti 26-7. Þar af tóku KR-ingar níu sóknarfráköst gegn aðeins einu hjá Njarðvík. KR leiddi með níu stigum, 20-29, eftir 1. leikhluta og þeir héldu uppteknum hætti í 2. leikhluta. Gestirnir hittu frábærlega (60% inni í teig og 46% utan hans) og Njarðvíkingar áttu engin svör í vörninni. Sóknarmegin hélt Haukur Helgi Njarðvíkingum á floti en hann gerði 16 stig í fyrri hálfleik, helmingi meira en næsti maður (Logi). Heimamenn söknuðu sárlega framlags frá Jeremy Atkinson sem fór halloka í baráttunni við Michael Craion undir körfunni. Atkinson, sem tók 24 fráköst í fyrsta leiknum, skoraði einungis tvö stig í fyrri hálfleik og tók eitt frákast. Hann lauk leik með fimm stig og átta fráköst. Njarðvík minnkaði muninn í sjö stig, 38-45, þegar Logi skoraði sín fyrstu og einu stig í 2. leikhluta. En KR-ingar kláruðu fyrri hálfleikinn á 10-0 spretti og fóru því með 17 stiga forystu, 38-55, til búningsherbergja. Craion opnaði dyrnar fyrir Njarðvík þegar hann fékk sína fjórðu villu í upphafi seinni hálfleiks en heimamenn voru lengi að þekkjast boðið og stíga inn fyrir. Það gerðist ekki fyrr en Logi tók til sinna ráða en landsliðsmaðurinn skoraði 13 stig í 3. leikhluta. Og þökk sé þessum stigum og bættum varnarleik byrjuðu Njarðvíkingar að minnka muninn. Þeir skoruðu 10 síðustu stigin í 3. leikhluta en Haukur Helgi minnkaði muninn í sjö stig, 63-70, með ótrúlegum flautuþrist. Í 4. leikhlutanum héldu Njarðvíkingar áfram að þjarma að gestunum sem héldu grænum þó í hæfilegri fjarlægð framan af. Helgi Már Magnússon kom KR 10 stigum yfir, 73-83, þegar tæpar fjórar mínútur voru eftir en um mínútu síðar fékk Craion sína fimmtu villu og lauk þar með leik. Það nýttu Njarðvíkingar sér, skoruðu 15 af 18 síðustu stigum leiksins og Haukur Helgi kláraði svo dæmið með fallegu stökkskoti. KR hafði rúmar tvær sekúndur til að tryggja sér sigurinn en lokaskot Darra klikkaði. Lokatölur því 88-86, Njarðvík í vil.Logi: Það er mikil hefð í þessum klúbbi Logi Gunnarsson átti frábæran leik þegar Njarðvík jafnaði metin í einvíginu við KR í undanúrslitum Domino's deildarinnar í körfubolta í kvöld. "Þetta er bara úrslitakeppnin eins og hún á að vera. Þetta eru fjögur bestu lið landsins og þetta er rosalega jafnt," sagði Logi sem skoraði 13 stig í 3. leikhluta þegar Njarðvík hóf endurkomu sína sem skilaði að lokum sigri. "Þetta er Njarðvíkurhjartað, baráttuhjartað. Það er mikil hefð í þessum klúbbi og við gefumst aldrei upp," sagði landsliðsmaðurinn sem sagði það hafa breytt miklu þegar Michael Craion fékk sína 4. villu í upphafi seinni hálfleiks. "Það breytti miklu. Hann tekur mikið til sín og þegar hann fór út af opnaðist meira pláss fyrir okkur inni í teignum," sagði Logi að lokum.Bein lýsing: Njarðvík - KRTweets by @Visirkarfa1 Dominos-deild karla Mest lesið Sjáðu fyrstu mörk Orra Steins í treyju Real Sociedad Fótbolti Leik lokið: KR - Fram 7-1 | Benóný Breki og KR með sýningu Íslenski boltinn Hveragerði fær stimpilinn frá Mosó Íslenski boltinn Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Íslenski boltinn Upphafið að endinum hjá Ten Hag? Enski boltinn Valsmenn neituðu að veita viðtöl Körfubolti Leik lokið: Fylkir - KA 1-3 | KA kom Fylki í vonlitla stöðu Íslenski boltinn Tottenham lék tíu United-menn grátt Enski boltinn Lélegasta lið sögunnar: „Augljóslega er þetta ömurlegt“ Sport Uppgjörið: Vestri - HK 2-1 | Vestri úr fallsæti og með örlögin í eigin höndum Íslenski boltinn Fleiri fréttir Tryggvi með tíu í fyrsta leik Valsmenn neituðu að veita viðtöl „Mátti þetta ekki í Þýskalandi“ Martin magnaður í fyrsta sigrinum „Einhver náttúrulegasta þrenna sem ég hef séð“ Uppgjörið: Valur - Keflavík 88-98 | Öruggt hjá Keflavík og Finnur rekinn úr húsi Uppgjörið: Keflavík - Þór Ak. 82-86 | Þór skellti meisturunum Knicks og Timberwolves opna leikmannamarkaðinn með látum Ísold eltir annan draum: „Erfiðasta ákvörðun sem ég hef þurft að taka í lífinu“ Tryggvi Snær í riðlakeppni Evrópubikarsins Pavel: „Ég var brjálaður vísindamaður“ Meisturunum spáð sigri í Bónus deildunum Svona var kynningarfundurinn fyrir fyrir Bónus-deildirnar Álftanes lét Frakkann fara og samdi við Okeke Pavel nýr liðsmaður Bónus Körfuboltakvölds Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Sjá meira
Haukur Helgi Pálsson tryggði Njarðvík magnaðan endurkomu sigur á KR, 88-86, í öðrum leik liðanna í undanúrslitum Domino's deildarinnar í kvöld. Njarðvík var mest 24 stigum undir, 38-62, í upphafi seinni hálfleiks en náði að tryggja sér sigurinn með ótrúlegum endaspretti og jafnaði þar með metin í einvígi liðanna. Haukur Helgi skoraði 27 stig fyrir Njarðvík, þ.á.m. sigurkörfuna þegar tæpar þrjár sekúndur voru til leiksloka. Logi Gunnarsson var einnig frábær í leiknum, og þá sérstaklega í 3. leikhluta þar sem hann skoraði 13 stig og hóf í raun endurkomu Njarðvíkinga. Þá skilaði Maciej Baginski 19 stigum af bekknum en 12 þeirra komu í lokaleikhlutanum sem Njarðvík vann 25-16. Darri Hilmarsson átti stórleik í liði KR og skoraði 28 stig en þau dugðu ekki til. Pavel Ermolinskij skoraði 17 stig og Michael Craion en hann fékk sína fjórðu villu eftir 11 sekúndna leik í seinni hálfleik sem hafði mikið að segja. Leikurinn í kvöld var allt öðruvísi en leikur eitt á mánudaginn. Sóknarleikur liðanna var miklu betri en varnarleikurinn ekki jafn sterkur. Njarðvíkingar voru sjóðheitir í byrjun leiks og hittu afar vel. Og þegar sex og hálf mínúta var liðin af fyrri hálfleik var liðið búið að skora meira en í öllum seinni hálfleiknum í fyrsta leiknum. Haukur Helgi og Logi drógu vagninn fyrir Njarðvík í sókninni en smám saman fundu KR-ingar leiðir til að stoppa þá og bættu um leið sinn eigin sóknarleik. Gestirnir skoruðu að vild og breyttu stöðunni úr 18-13 í 20-29 á síðustu sex mínútum 1. leikhluta. Njarðvíkurvörnin var einfaldlega ekki til staðar og réð ekkert við það þegar Pavel Ermolinskij keyrði inn í teiginn og setti boltann út á fría skotmenn. Darri Hilmarsson var sérlega góður en hann skoraði 10 stig í 1. leikhluta og 15 stig í fyrri hálfleik, líkt og Pavel. Njarðvíkingar gátu hvorki varist né tekið fráköst en í hálfleik var staðan í þeim tölfræðiþætti 26-7. Þar af tóku KR-ingar níu sóknarfráköst gegn aðeins einu hjá Njarðvík. KR leiddi með níu stigum, 20-29, eftir 1. leikhluta og þeir héldu uppteknum hætti í 2. leikhluta. Gestirnir hittu frábærlega (60% inni í teig og 46% utan hans) og Njarðvíkingar áttu engin svör í vörninni. Sóknarmegin hélt Haukur Helgi Njarðvíkingum á floti en hann gerði 16 stig í fyrri hálfleik, helmingi meira en næsti maður (Logi). Heimamenn söknuðu sárlega framlags frá Jeremy Atkinson sem fór halloka í baráttunni við Michael Craion undir körfunni. Atkinson, sem tók 24 fráköst í fyrsta leiknum, skoraði einungis tvö stig í fyrri hálfleik og tók eitt frákast. Hann lauk leik með fimm stig og átta fráköst. Njarðvík minnkaði muninn í sjö stig, 38-45, þegar Logi skoraði sín fyrstu og einu stig í 2. leikhluta. En KR-ingar kláruðu fyrri hálfleikinn á 10-0 spretti og fóru því með 17 stiga forystu, 38-55, til búningsherbergja. Craion opnaði dyrnar fyrir Njarðvík þegar hann fékk sína fjórðu villu í upphafi seinni hálfleiks en heimamenn voru lengi að þekkjast boðið og stíga inn fyrir. Það gerðist ekki fyrr en Logi tók til sinna ráða en landsliðsmaðurinn skoraði 13 stig í 3. leikhluta. Og þökk sé þessum stigum og bættum varnarleik byrjuðu Njarðvíkingar að minnka muninn. Þeir skoruðu 10 síðustu stigin í 3. leikhluta en Haukur Helgi minnkaði muninn í sjö stig, 63-70, með ótrúlegum flautuþrist. Í 4. leikhlutanum héldu Njarðvíkingar áfram að þjarma að gestunum sem héldu grænum þó í hæfilegri fjarlægð framan af. Helgi Már Magnússon kom KR 10 stigum yfir, 73-83, þegar tæpar fjórar mínútur voru eftir en um mínútu síðar fékk Craion sína fimmtu villu og lauk þar með leik. Það nýttu Njarðvíkingar sér, skoruðu 15 af 18 síðustu stigum leiksins og Haukur Helgi kláraði svo dæmið með fallegu stökkskoti. KR hafði rúmar tvær sekúndur til að tryggja sér sigurinn en lokaskot Darra klikkaði. Lokatölur því 88-86, Njarðvík í vil.Logi: Það er mikil hefð í þessum klúbbi Logi Gunnarsson átti frábæran leik þegar Njarðvík jafnaði metin í einvíginu við KR í undanúrslitum Domino's deildarinnar í körfubolta í kvöld. "Þetta er bara úrslitakeppnin eins og hún á að vera. Þetta eru fjögur bestu lið landsins og þetta er rosalega jafnt," sagði Logi sem skoraði 13 stig í 3. leikhluta þegar Njarðvík hóf endurkomu sína sem skilaði að lokum sigri. "Þetta er Njarðvíkurhjartað, baráttuhjartað. Það er mikil hefð í þessum klúbbi og við gefumst aldrei upp," sagði landsliðsmaðurinn sem sagði það hafa breytt miklu þegar Michael Craion fékk sína 4. villu í upphafi seinni hálfleiks. "Það breytti miklu. Hann tekur mikið til sín og þegar hann fór út af opnaðist meira pláss fyrir okkur inni í teignum," sagði Logi að lokum.Bein lýsing: Njarðvík - KRTweets by @Visirkarfa1
Dominos-deild karla Mest lesið Sjáðu fyrstu mörk Orra Steins í treyju Real Sociedad Fótbolti Leik lokið: KR - Fram 7-1 | Benóný Breki og KR með sýningu Íslenski boltinn Hveragerði fær stimpilinn frá Mosó Íslenski boltinn Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Íslenski boltinn Upphafið að endinum hjá Ten Hag? Enski boltinn Valsmenn neituðu að veita viðtöl Körfubolti Leik lokið: Fylkir - KA 1-3 | KA kom Fylki í vonlitla stöðu Íslenski boltinn Tottenham lék tíu United-menn grátt Enski boltinn Lélegasta lið sögunnar: „Augljóslega er þetta ömurlegt“ Sport Uppgjörið: Vestri - HK 2-1 | Vestri úr fallsæti og með örlögin í eigin höndum Íslenski boltinn Fleiri fréttir Tryggvi með tíu í fyrsta leik Valsmenn neituðu að veita viðtöl „Mátti þetta ekki í Þýskalandi“ Martin magnaður í fyrsta sigrinum „Einhver náttúrulegasta þrenna sem ég hef séð“ Uppgjörið: Valur - Keflavík 88-98 | Öruggt hjá Keflavík og Finnur rekinn úr húsi Uppgjörið: Keflavík - Þór Ak. 82-86 | Þór skellti meisturunum Knicks og Timberwolves opna leikmannamarkaðinn með látum Ísold eltir annan draum: „Erfiðasta ákvörðun sem ég hef þurft að taka í lífinu“ Tryggvi Snær í riðlakeppni Evrópubikarsins Pavel: „Ég var brjálaður vísindamaður“ Meisturunum spáð sigri í Bónus deildunum Svona var kynningarfundurinn fyrir fyrir Bónus-deildirnar Álftanes lét Frakkann fara og samdi við Okeke Pavel nýr liðsmaður Bónus Körfuboltakvölds Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Sjá meira
Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Íslenski boltinn
Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Íslenski boltinn