Vilja kaupa eyju

Hjónin Brad Pitt og Angelina Jolie hafa augastað á grískri eyju sem þau vilja fjárfesta í.

Hjónin, sem eiga sex börn frá aldrinum sex til þrettán ára, eru sögð vera að hugleiða að kaupa grísku eyjuna Gaia svo þau hafi kost á því að fara í frí án þess að vera umkringd ljósmyndurum og áhugasömum aðdáendum.

Börnin hafi þá kost á því að hlaupa frjáls um eyjuna. Eyjan kostar 4,7 milljónir Bandaríkjadala, er 43 ekrur að stærð og byggingarleyfi er fyrir sex einbýlishúsum, það ætti því að vera nóg pláss fyrir fjölskylduna.

Pitt og Jolie giftu sig í fyrra eftir að hafa verið saman frá árinu 2005.