Edda kynnir Edduna

Leikkonan og nafna Edduverðlaunahátíðarinnar, Edda Björg Eyjólfsdóttir verður kynnir á hátíðinni sem fer fram í Silfurbergi í Hörpu þann 21. febrúar næstkomandi.

Á hátíðinni verða veittar alls 28 Eddustyttur og eru verðlaunin veitt til þeirra sem þykja hafa skarað fram úr í íslenska kvikmynda- og sjónvarpsbransanum en tilnefningarnar voru kynntar í Bíó Paradís í gær.

Kynnir hátíðarinnar í fyrra var leikkonan Ólafía Hrönn Jónsdóttir, en eftirminnilegt þótti þegar Ólafía hrasaði á sviðinu undir lok kvöldsins er leið hennar lá að trommusetti sem ætlað var að slá botninn í kvöldið.

Hér má sjá myndskeið af umræddu atviki: