Upptökur fyrir opnum tjöldum

PJ Harvey ætlar að taka upp næstu plötu sína fyrir opnum tjöldum, því hljóðverið hennar verður hluti af listagjörningi.

Breska tónlistarkonan mun eyða fjórum vikum í gerð þessarar níundu sólóplötu sinnar ásamt hljómsveit og upptökuteymi fyrir aftan speglagler í Somerset House í London.

Gjörningurinn nefnist The Recording in Progress og fara upptökurnar fram í nýju rými í listamiðstöðinni. Fjögur ár eru liðin síðan Harvey gaf út plötuna Let England Shake, sem hlaut Mercury-verðlaunin sem plata ársins.