Jordan sendi Kobe skemmtilega kveðju

Kobe Bryant fékk heldur betur skemmtilega kveðju er hann spilaði sinn síðasta leik í Charlotte.

Áður en Kobe var kynntur til leiks var varpað á skjáinn í húsinu myndband þar sem hann fékk kveðju frá sjálfum Michael Jordan.

„Til hamingju með ótrúlegan feril. Þú hefur gert mikið fyrir bæði íþróttina og NBA-deildina. Ég er mikill aðdáandi og hef alltaf elskað að horfa á þig spila. Ég verð alltaf til staðar ef þig vantar eitthvað,“ sagði Jordan meðal annars í kveðjunni sem má sjá hér að ofan.

Það leyndi sér ekki að Kobe þótti vænt um kveðjuna enda brosti hann allan hringinn eftir hana. Fólkið í húsinu tók svo vel á móti honum.