Keppni um best skreytta hús landsins

Lífið á Vísi byrjar í dag með sérstakan jólaleik og skorum við á lesendur að senda inn myndir af jólaskreyttu húsi.

Eitt hús mun standa uppi sem sigurvegari í keppni um best skreytta hús landsins. Vegleg verðlaun eru í boði en sigurvegarinn fær 25 þúsund króna gjafabréf frá Húsasmiðjunni.

Til að taka þátt þarf að senda mynd af húsinu á stefanp@365.is. Úrslitin verða tilkynnt á Facebook-síðu Lífsins  á Þorláksmessu og því þarf að gefa þeirri síðu „like“ til að vera með.

Það er fátt skemmtilegra en að sjá fallega skreytt hús um allt land og setja þau oft mikinn svip á hverfin.

Lífið á Visir.is