Óborganleg mynd af Sigmundi Davíð í Spilakvöldi

Skemmtiþátturinn Spilakvöld með Pétri Jóhanni Sigfússyni eru á dagskrá Stöðvar 2 öll laugardagskvöld.

Um helgina var skemmtilegur þáttur þar sem liðin börðust um sigurinn og Pétur stjórnaði þættinum eins og honum einum er lagið.

Hér að neðan má sjá atriði úr þeim þætti en um var að ræða dagskrálið sem nefnist Kjarvalkríli. Börn í Ísaksskóla höfðu þá teiknað myndir af uppáhalds fræga Íslendingnum og áttu keppendur að giska á hvaða aðila væri um að ræða.

Spilakvöld er glænýr skemmtiþáttur byggður á fyrirmyndinni Hollywood Game Night sem hefur slegið í gegn undanfarin ár í Bandaríkjunum og hefur Jane Lynch stjórnandi þáttanna hlotið tvenn Emmy verðlaun fyrir þættina.

Í þáttunum keppa tvö lið með þremur frægur einstaklingum og einum óþekktum liðsstjóra hvort. Liðin safna stigum í fjölmörgum mismunandi leikjum og það lið sem stendur uppi með fleiri stig eftir fjóra leiki kemst í bónus umferð þar sem liðsstjórinn getur unnið peningaverðlaun.