Grillaðar pylsur með beikonkartöflusalati og súrsuðu grænmeti

Hefurðu prófað að búa til þínar eigin pylsur? Eyþór Rúnarsson, sjónvarpskokkur á Stöð 2 kennir okkur réttu handtökin við að búa til þessar líka ljómandi góðu grillpylsur.

Grillaðar pylsur með beikonkartöflusalati og pikluðu grænmeti

Grillpylsur

3 kg svínahakk 30-40 % feitt (gott er að nota svínabóg)

54 gr salt

3 msk svartur pipar

6 msk reykt paprikuduft

6 msk paprikuduft

15 hvítlauksrif

200 ml vatn 

21 gr fennelfræ

Görn

Setjið piparinn, paprikuduftið, saltið og hvítlaukinn saman í matvinnslu-vél með vatninu og blandið saman í 1 mín. Setið svínahakkið í stóra skál og hellið kryddblöndunni út í ásamt fennelfræjunum og blandið vel saman með höndunum þar til hakkið fer að festast vel saman. Setjið hakkið í pylsugerðarvélina og þræðið görnina framan á hana og mótið pylsurnar. Setjið pylsurnar í bakka með viskustykki í botninn og látið standa í ísskáp í 1 sólarhring.

Setjið pylsurnar á miðlungsheitt grillið og grillið í ca. 8 mín á hvorri hlið og færið þær svo í efri hilluna og eldið í 4 mín í viðbót þar. Berið fram með sinnepi, pylsubrauði og pikkluðu grænmeti

Beikonkartöflusalat

1 dós 18% sýrður rjómi

150 gr majónes

2 msk grófkorna sinnep

1 bréf beikon (eldað stökkt)

2 msk gróft skorið dill

800 gr soðið kartöflusmælki

Sjávarsalt

Svartur pipar úr kvörn

Setjið sýrða rjómann, majónesið og grófkorna sinnepið saman í skál og blandið saman og smakkið til með salti og pipar. Skerið beikonið fínt niður og bætið út í skálina ásamt dillinu. Skerið kartöflusmælkið í helming og bætið út í skálina. Blandið öllu saman og smakkið aftur til með salti og pipar eftir smekk.