Sætt eggjabrauð með vanillu sýrðum rjóma og jarðarberjum

Dásamlega gott sætt eggjabrauð að hætti Eyþórs Rúnarssonar sem fullkomnar dögurðinn.

Sætt eggjabrauð með vanillu sýrðum rjóma og jarðarberjum

1 stk hvítt brauð (óskorið - skorið í fjórar þykkar sneiðar)

4 egg

2 msk rjómi

5 msk mjólk

Rifinn börkur af ½ appelsínu

½ tsk kanill

100 gr smjör

1 askja jarðaber

1 kvistur mynta (fínt skorin)

2 msk flórsykur

Blandið saman egg, rjóma, mjólk, appelsínuberki og kanil. Dýfið 1 brauðsneið í einu ofan í blönduna. Hitið pönnu við meðalhita og setjið smjörið á pönnuna. Steikið brauðið á hvorri hlið þar til sneiðarnar eru orðnar gylltar að lit. Skerið jarðaberin í fernt og setjð í skál með myntunni. Setjið flórsykurinn í sigti með litlum götum og dreifið flórsykri jafnt yfir brauðsneiðarnar.

Vanillu sýrður rjómi

1 dós 36 % sýrður rjómi

1 msk flórsykur

1 tsk vanilludropar

Setjið allt hráefnið saman í skál og blandið saman