Alþjóðlegi varalitadagurinn er í dag

Í dag 29. júlí er alþjólegi varalitadagurinn og í tilefni þess deilir Glamour með lesendum sínum skemmtilegum staðreyndum um varaliti og ýmislegt þeim tengdum.

Eru ekki örugglega allir með varalit í dag? 

1. Guerlain fann upp fyrsta varalitinn í hylkjunum sem við þekkjum í dag árið 1870. Hann hét „Ne m'oubliez pas," eða „Forget Me Not".

2. Varirnar eru 100 sinnum næmari en fingurgómarnir.

3. Til þess að losna við að enda með varalit á tönnunum skaltu stinga vísifingri upp í munn og þrýsta vörunum að honum. Þannig endar varaliturinn sem annars færi á tennurnar á fingrinum.

4. Notaðu varalitinn á kinnarnar líka, en gættu þess að blanda hann vel.

5. Svo varaliturinn endist lengur skaltu setja eina umferð, taka tissjú og þrýsta á varirnar til þess að taka umfram lit. Endurtaktu 1-2 í viðbót.

6. Konur eyða um 1.780 $ í varaliti yfir ævina eða um 230 þúsund íslenskar krónur.

7. Sala á varalitum eykst bæði þegar veðrið er vont og þegar efnahagsástandið er slæmt.

8. Elizabeth Taylor vildi ekki að aðrar konur en hún væru með rauðan varalit á þegar hún var á kvikmyndasetti.

9. Varaliturinn er um 5000 ára gamall og á rætur sínar að rekja til Mesopótamíu. Forn Gikkir notuðu einnig varalit til þess að segja til um stöðu þeirra innan samfélagsins, bæði menn og konur. 

10. 80% bandarískra kvenna nota varalit reglulega og 25% þeirra fara ekki út úr húsi án hans.