Lið Hjálmars á toppinn

Hjálmar Jónsson og Gunnar Heiðar Þorvaldsson voru í sigurliðum í sænska boltanum í kvöld..

Lið Hjálmars, IFK Göteborg, skellti AIK, 3-0. Lasse Vibe og Mikael Boman á skotskónum og svo var eitt sjálfsmark.

Hjálmar spilaði allan leikinní bakverðinum hjá Göteborg sem komst á topp deildarinnar með sigrinum.

Gunnar Heiðar Þorvaldsson var tekinn af velli á 78. mínútu í liði Häcken er það vann óvæntan útisigur, 0-3, á hinu sterka liði Malmö og er í sjöunda sæti.