Tími á milli barneigna

Heilbrigðisstofnun Bandaríkjanna (CDC) sendi nýlega frá sér yfirlýsingu um hvenær væri hentugur tími fyrir konur sem eiga barn að eignast annað barn.

Í skýrslunni kemur fram að margar konur í Bandaríkjunum láta oft ekki líða nógu langt á milli meðganga en mælt er með að láta líða að minnsta kosti 18 mánuði á milli meðganga því það er tíminn sem það tekur líkamann að jafna sig.

Þá virðist áhættuþættir við meðgöngu, svo sem að fæða fyrir tímann og lág fæðingarþyngd, aukast eftir því sem styttra er á milli meðganga.

Þá eru einhverjar vísbendingar sem benda til þess að börnum geti liðið betur í fjölskyldunni og gengið betur í lestri og reikningi ef það eru að minnsta kosti tvö ár á milli þeirra. Það getur stafað af því að eldara barnið fær þá meiri athygli frá foreldrum sínum.

Konur geta orðið ófrískar mánuði eftir fæðingu barns og því er vissara að nota verjur, svo sem brjóstapilluna og/eða smokkinn því erfitt getur verið að stóla á brjóstagjöf sem getnaðarvörn. Það er mælt með því að bíða með samfarir þangað til að getnaðarvarnir eru komnar á hreint og fólk treystir sér til þess.

Rannsóknir benda til þess að tvö og hálft ár til þrjú ár séu ákjósanlegasti tíminn til að láta líða á milli fæðinga (sem þýðir í raun lágmark 18 mánuðir á milli meðganga).