Það er á þessu tíma árs sem að flestir ávaxta- og grænmetisþeytinga er neytt enda kærkomin tilbreyting frá ofhlöðnum hátíðarveisluborðum.
Í þessum súkkulaði-, berja- og rauðrófuþeyting er að finna rauðrófur, eins og nafnið gefur til kynna, en þær eru bráðhollar og lifrarhreinsandi auk þess sem að þær styrkja járnbúskap líkamans. Þar sem rauðrófur eiga það til að lita fingurna þegar unnið er með þær er best að vera í plasthönskum, skera þær svo í litla bita og geyma í frysti svo að ekki þurfi að skera þær ferskar í hvert skipti sem þarf að nota þær.
Súkkulaði-, berja- og rauðrófuþeytingur
fyrir 2
50 g hráir rauðrófubitar
1 banani
100 g frosin jarðarber
250 ml kókosvatn
100 ml vatn
1 skammtur súkkulaðiprótín
Blandið öllu vel saman og drekkið með bestu lyst.
