Kaleo gerir samning við Atlantic Records Gunnar Leó Pálsson skrifar 20. desember 2014 07:00 Hljómsveitin Kaleo skrifar undir samning við tvö risafyrirtæki í Bandaríkjunum. mynd/Baldvin Vernharðsson „Kaleo hefur skrifað undir plötusamning við Atlantic Records um að tónlist hljómsveitarinnar verði gefin út á heimsvísu,“ segir Bandaríkjamaðurinn Bruce Kalmick, sem er nýr umboðsmaður hljómsveitarinnar Kaleo. Þá hefur hljómsveitin einnig skrifað undir svokallaðan „publishing“-samning við Warner/Chappell Music, sem þýðir að fyrirtækið sér um að koma tónlist Kaleo að í kvikmyndum, auglýsingum, sjónvarpsþáttum og svo framvegis. „Það er auðvitað mikill heiður að fá að semja við eins sögufrægt fyrirtæki og Atlantic Records. Við erum samt með báða fætur á jörðinni og verðum bara að bíða og sjá hvað þetta leiðir af sér. Þetta er mjög spennandi tækifæri og við hlökkum mikið til þess að taka á við þetta,“ segir Jökull Júlíusson, söngvari og gítarleikari Kaleo. Hljómsveitin hefur vakið mikla athygli undanfarin ár og stefnir allt í að athyglin aukist til mikilla muna á næstunni, sérstaklega ef marka má umboðsmanninn. „Ég fékk tónlistina þeirra senda í júlí og heillaðist strax af henni og hljómnum þeirra. Eftir nokkur Skype-símtöl ákvað ég að fljúga til Íslands í september, til þess að sjá þá spila á tónleikum og kynnast þeim. Ég var gjörsamlega heillaður af hæfileikum þeirra,“ útskýrir Kalmick. Það voru þó ekki eingöngu tónlistarhæfileikar piltanna sem heilluðu nýja umboðsmanninn. „Ég heillaðist líka af þeim sem manneskjum. Þeir hafa á skömmum tíma orðið hluti af fjölskyldunni minni. Fyrir mig og mitt fyrirtæki, koma hæfileikar og fara, en svona góðar manneskjur eins og þeir eru, gera bransann skemmtilegri fyrir okkur,“ segir Kalmick. Hann starfar fyrir umboðsskrifstofuna Triple 8 Management í Bandaríkjunum og hefur verið umboðsmaður Kaleo síðan 8. október síðastliðinn. „Áhuginn frá stóru plötufyrirtækjunum kom í ljós fljótlega eftir að lagið All the Pretty Girls komst á Viral-topp 50 listann í Bandaríkjunum. Þetta er í raun hlutfall deilinga við hlustanir,“ útskýrir Sindri Ástmarsson, fyrrverandi umboðsmaður sveitarinnar. „Við vorum í viðræðum við sirka tíu erlenda umboðsmenn en þegar við hittum Bruce vorum við vissir um að hann væri sá rétti. Bruce var fljótur að taka þetta á næsta stig og talaði við toppana hjá stærstu fyrirtækjunum,“ bætir Sindri við og segir að mörg stór erlend plötufyrirtæki hafi verið á eftir strákunum. Kalmick efast ekki um að Kaleo eigi eftir að ná langt á heimsvísu. „Ég er raunsær maður en þegar kemur að Kaleo er ég ekki í nokkrum vafa. Sveitin á eftir að verða ein þekktasta rokkhljómsveit heims fyrir árið 2017, ef ekki fyrr,“ segir hann ákveðinn í bragði. Fyrsta smáskífulag Kaleo kemur út í Bandaríkjunum í mars næstkomandi.Þekkt nöfn hjá Atlantic Records: Ray Charles Rolling Stones Led Zeppelin Bruno Mars Genesis Ed Sheeran Coldplay Phil Collins Stone Temple Pilots Svo nokkur nöfn séu nefnd en ótrúlegur fjöldi þekktra listamanna er á eða hafa verið með samning við Atlantic Records. Atlantic Records er dótturfyrirtæki Warner Music Group.Þekkt nöfn hjá Warner/Chappell Beyonce Dr. Dre Eric Clapton George Michael Jay Z Michael Bublé Madonna Muse Radiohead Slash Kaleo Tónlist Mest lesið Ævintýrin hófust þegar hann hafnaði Juilliard Tónlist Magnaðar myndir af lengstu á landsins Lífið Sjóðheitar og einhleypar inn í haustið Lífið Speak No Evil: Pabbi er ekki með fulle fem Gagnrýni „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Kristófer Helga í veikindaleyfi Lífið Risavaxinn mörgæsarungi nýjasta stjarna Melbourne Lífið Seldu Kolbeini Sigþórs og keyptu í miðbænum Lífið Enginn súr í sætu teiti í Ásmundarsal Tónlist Ebba Katrín og Oddur keyptu hús í miðbænum Lífið Fleiri fréttir Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Sjá meira
„Kaleo hefur skrifað undir plötusamning við Atlantic Records um að tónlist hljómsveitarinnar verði gefin út á heimsvísu,“ segir Bandaríkjamaðurinn Bruce Kalmick, sem er nýr umboðsmaður hljómsveitarinnar Kaleo. Þá hefur hljómsveitin einnig skrifað undir svokallaðan „publishing“-samning við Warner/Chappell Music, sem þýðir að fyrirtækið sér um að koma tónlist Kaleo að í kvikmyndum, auglýsingum, sjónvarpsþáttum og svo framvegis. „Það er auðvitað mikill heiður að fá að semja við eins sögufrægt fyrirtæki og Atlantic Records. Við erum samt með báða fætur á jörðinni og verðum bara að bíða og sjá hvað þetta leiðir af sér. Þetta er mjög spennandi tækifæri og við hlökkum mikið til þess að taka á við þetta,“ segir Jökull Júlíusson, söngvari og gítarleikari Kaleo. Hljómsveitin hefur vakið mikla athygli undanfarin ár og stefnir allt í að athyglin aukist til mikilla muna á næstunni, sérstaklega ef marka má umboðsmanninn. „Ég fékk tónlistina þeirra senda í júlí og heillaðist strax af henni og hljómnum þeirra. Eftir nokkur Skype-símtöl ákvað ég að fljúga til Íslands í september, til þess að sjá þá spila á tónleikum og kynnast þeim. Ég var gjörsamlega heillaður af hæfileikum þeirra,“ útskýrir Kalmick. Það voru þó ekki eingöngu tónlistarhæfileikar piltanna sem heilluðu nýja umboðsmanninn. „Ég heillaðist líka af þeim sem manneskjum. Þeir hafa á skömmum tíma orðið hluti af fjölskyldunni minni. Fyrir mig og mitt fyrirtæki, koma hæfileikar og fara, en svona góðar manneskjur eins og þeir eru, gera bransann skemmtilegri fyrir okkur,“ segir Kalmick. Hann starfar fyrir umboðsskrifstofuna Triple 8 Management í Bandaríkjunum og hefur verið umboðsmaður Kaleo síðan 8. október síðastliðinn. „Áhuginn frá stóru plötufyrirtækjunum kom í ljós fljótlega eftir að lagið All the Pretty Girls komst á Viral-topp 50 listann í Bandaríkjunum. Þetta er í raun hlutfall deilinga við hlustanir,“ útskýrir Sindri Ástmarsson, fyrrverandi umboðsmaður sveitarinnar. „Við vorum í viðræðum við sirka tíu erlenda umboðsmenn en þegar við hittum Bruce vorum við vissir um að hann væri sá rétti. Bruce var fljótur að taka þetta á næsta stig og talaði við toppana hjá stærstu fyrirtækjunum,“ bætir Sindri við og segir að mörg stór erlend plötufyrirtæki hafi verið á eftir strákunum. Kalmick efast ekki um að Kaleo eigi eftir að ná langt á heimsvísu. „Ég er raunsær maður en þegar kemur að Kaleo er ég ekki í nokkrum vafa. Sveitin á eftir að verða ein þekktasta rokkhljómsveit heims fyrir árið 2017, ef ekki fyrr,“ segir hann ákveðinn í bragði. Fyrsta smáskífulag Kaleo kemur út í Bandaríkjunum í mars næstkomandi.Þekkt nöfn hjá Atlantic Records: Ray Charles Rolling Stones Led Zeppelin Bruno Mars Genesis Ed Sheeran Coldplay Phil Collins Stone Temple Pilots Svo nokkur nöfn séu nefnd en ótrúlegur fjöldi þekktra listamanna er á eða hafa verið með samning við Atlantic Records. Atlantic Records er dótturfyrirtæki Warner Music Group.Þekkt nöfn hjá Warner/Chappell Beyonce Dr. Dre Eric Clapton George Michael Jay Z Michael Bublé Madonna Muse Radiohead Slash
Kaleo Tónlist Mest lesið Ævintýrin hófust þegar hann hafnaði Juilliard Tónlist Magnaðar myndir af lengstu á landsins Lífið Sjóðheitar og einhleypar inn í haustið Lífið Speak No Evil: Pabbi er ekki með fulle fem Gagnrýni „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Kristófer Helga í veikindaleyfi Lífið Risavaxinn mörgæsarungi nýjasta stjarna Melbourne Lífið Seldu Kolbeini Sigþórs og keyptu í miðbænum Lífið Enginn súr í sætu teiti í Ásmundarsal Tónlist Ebba Katrín og Oddur keyptu hús í miðbænum Lífið Fleiri fréttir Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Sjá meira