Tíu bestu upphafslínurnar Freyr Bjarnason skrifar 5. desember 2014 14:00 Upphafssetningin í lagi getur hrifið hlustandann með sér á einu augabragði þannig að hann sér sig knúinn til að hlusta á það sem á eftir kemur. Auðvitað þarf lagið að vera gott líka en eftirminnileg upphafslína er gulls ígildi. Vísir tók saman tíu af bestu upphafslínunum í frægum erlendum lögum.Sex PistolsAnarchy In The UK (1976)„I am an Antichrist, I am an anarchist.“ Ódauðleg upphafslína úr fyrsta smáskífulagi Sex Pistols. Tekið af fyrstu og einu plötu þeirra, Never Mind the Bollocks, Here's the Sex Pistols, sem hafði gríðarleg áhrif á pönkbylgjuna.AdeleSomeone Like You (2011)„I heard that you're settled down. That you found a girl and you're married now.“ Adele talar til fyrrverandi kærasta síns strax í upphafsorðunum og hlustandinn getur vart beðið eftir að fá að heyra meira. Ein vinsælasta ástarballaða síðari tíma þar sem vel saminn textinn er ómissandi. Nine Inch NailsHurt (1994)„I hurt myself today, to see if I still feel.“ Hvort sem að um er að ræða útgáfu Johnny Cash eða Trent Reznor er upphafslínan í Hurt nógu áhrifamikil til að fá hlustandann til að staldra við. Þetta er byrjunin á lagi þar sem dauði, þunglyndi og einangrun er umfjöllunarefnið. Arctic MonkeysFluorescent Adolescent (2007)„You used to get it in your fishnets, but now you only get it in your nightdress.“ Alex Turner lýsir hérna í einni setningu veröld konu sem lifir breyttu, rólegheita lífi þar sem fátt spennandi gerist. Patti SmithGloria (1975)„Jesus died for somebody's sins, but not mine.“ Þessi fræga upphafslína er undir áhrifum frá ljóði Smith, Oath, sem kom út fimm árum fyrr. Það hófst með orðunum: „Christ died for somebody's sins, but not mine.“ Þar gaf Smith skít í uppeldi sitt sem Vottur Jehóva en síðar í ljóðinu skrifaði hún: „Christ, I'm giving you the goodbye, firing you tonight.” Pink FloydAnother Brick In The Wall (Part 2) (1982)„We don't need no education. We don't need no thought control.“ Upphafslínan úr þessu fræga lagi Pink Floyd vakti gríðarlega athygli á sínum tíma. Uppreisnarandinn allsráðandi þar sem skólayfirvöldum er sýndur miðfingurinn. Janis JoplinMercedes Benz (1970)„Oh Lord, won't you buy me a Mercedes Benz. My friends all drive Porsches, I must make amends.“ Að sögn Bobbys Womack, sem lést í sumar, fékk Joplin hugmyndina að textanum eftir að hún fór í bíltúr með honum á Mercedes Benz-bifreið hans. Lagið, sem var tekið upp í einni töku, er talið vera gagnrýni Joplin á neysluhyggju.The Bee GeesStaying Alive (1977)„You can tell by the way I use my walk I'm a woman's man. No time to talk.“ Þessi upphafslína lýsir diskótímabilinu vel og passar einkar vel við kvikmyndina Saturday Night Fever þar sem John Travolta fór á kostum í hvíta gallanum.Nick Cave And The Bad SeedsInto My Arms (1997)„I don't believe in an interventionist God, but I know darling that you do.“ Nick Cave biður guð í framhaldinu að láta konuna sem hann er ástfanginn af í friði. Ef guð vildi endilega skipta sér af konunni hans ætti hann að beina henni í fang hans. Þrátt fyrir drungalegt yfirbragð lagsins ríkir bjartsýni í textanum.Jimi HendrixHey Joe (1967)„Hey Joe, where you going with that gun in your hand?“ Í fyrstu virkar spurningin saklaus en verður þýðingarmeiri þegar hún er endurtekin strax. Upphafslínan býr til andrúmsloftið fyrir lagið og strax frá byrjun vitum við að endirinn verður ekki góður. Tónlist Mest lesið Ævintýrin hófust þegar hann hafnaði Juilliard Tónlist Magnaðar myndir af lengstu á landsins Lífið Sjóðheitar og einhleypar inn í haustið Lífið Speak No Evil: Pabbi er ekki með fulle fem Gagnrýni „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Kristófer Helga í veikindaleyfi Lífið Seldu Kolbeini Sigþórs og keyptu í miðbænum Lífið Enginn súr í sætu teiti í Ásmundarsal Tónlist Ebba Katrín og Oddur keyptu hús í miðbænum Lífið Segir Murphy gera lítið úr kynferðisofbeldi Bíó og sjónvarp Fleiri fréttir Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Sjá meira
Upphafssetningin í lagi getur hrifið hlustandann með sér á einu augabragði þannig að hann sér sig knúinn til að hlusta á það sem á eftir kemur. Auðvitað þarf lagið að vera gott líka en eftirminnileg upphafslína er gulls ígildi. Vísir tók saman tíu af bestu upphafslínunum í frægum erlendum lögum.Sex PistolsAnarchy In The UK (1976)„I am an Antichrist, I am an anarchist.“ Ódauðleg upphafslína úr fyrsta smáskífulagi Sex Pistols. Tekið af fyrstu og einu plötu þeirra, Never Mind the Bollocks, Here's the Sex Pistols, sem hafði gríðarleg áhrif á pönkbylgjuna.AdeleSomeone Like You (2011)„I heard that you're settled down. That you found a girl and you're married now.“ Adele talar til fyrrverandi kærasta síns strax í upphafsorðunum og hlustandinn getur vart beðið eftir að fá að heyra meira. Ein vinsælasta ástarballaða síðari tíma þar sem vel saminn textinn er ómissandi. Nine Inch NailsHurt (1994)„I hurt myself today, to see if I still feel.“ Hvort sem að um er að ræða útgáfu Johnny Cash eða Trent Reznor er upphafslínan í Hurt nógu áhrifamikil til að fá hlustandann til að staldra við. Þetta er byrjunin á lagi þar sem dauði, þunglyndi og einangrun er umfjöllunarefnið. Arctic MonkeysFluorescent Adolescent (2007)„You used to get it in your fishnets, but now you only get it in your nightdress.“ Alex Turner lýsir hérna í einni setningu veröld konu sem lifir breyttu, rólegheita lífi þar sem fátt spennandi gerist. Patti SmithGloria (1975)„Jesus died for somebody's sins, but not mine.“ Þessi fræga upphafslína er undir áhrifum frá ljóði Smith, Oath, sem kom út fimm árum fyrr. Það hófst með orðunum: „Christ died for somebody's sins, but not mine.“ Þar gaf Smith skít í uppeldi sitt sem Vottur Jehóva en síðar í ljóðinu skrifaði hún: „Christ, I'm giving you the goodbye, firing you tonight.” Pink FloydAnother Brick In The Wall (Part 2) (1982)„We don't need no education. We don't need no thought control.“ Upphafslínan úr þessu fræga lagi Pink Floyd vakti gríðarlega athygli á sínum tíma. Uppreisnarandinn allsráðandi þar sem skólayfirvöldum er sýndur miðfingurinn. Janis JoplinMercedes Benz (1970)„Oh Lord, won't you buy me a Mercedes Benz. My friends all drive Porsches, I must make amends.“ Að sögn Bobbys Womack, sem lést í sumar, fékk Joplin hugmyndina að textanum eftir að hún fór í bíltúr með honum á Mercedes Benz-bifreið hans. Lagið, sem var tekið upp í einni töku, er talið vera gagnrýni Joplin á neysluhyggju.The Bee GeesStaying Alive (1977)„You can tell by the way I use my walk I'm a woman's man. No time to talk.“ Þessi upphafslína lýsir diskótímabilinu vel og passar einkar vel við kvikmyndina Saturday Night Fever þar sem John Travolta fór á kostum í hvíta gallanum.Nick Cave And The Bad SeedsInto My Arms (1997)„I don't believe in an interventionist God, but I know darling that you do.“ Nick Cave biður guð í framhaldinu að láta konuna sem hann er ástfanginn af í friði. Ef guð vildi endilega skipta sér af konunni hans ætti hann að beina henni í fang hans. Þrátt fyrir drungalegt yfirbragð lagsins ríkir bjartsýni í textanum.Jimi HendrixHey Joe (1967)„Hey Joe, where you going with that gun in your hand?“ Í fyrstu virkar spurningin saklaus en verður þýðingarmeiri þegar hún er endurtekin strax. Upphafslínan býr til andrúmsloftið fyrir lagið og strax frá byrjun vitum við að endirinn verður ekki góður.
Tónlist Mest lesið Ævintýrin hófust þegar hann hafnaði Juilliard Tónlist Magnaðar myndir af lengstu á landsins Lífið Sjóðheitar og einhleypar inn í haustið Lífið Speak No Evil: Pabbi er ekki með fulle fem Gagnrýni „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Kristófer Helga í veikindaleyfi Lífið Seldu Kolbeini Sigþórs og keyptu í miðbænum Lífið Enginn súr í sætu teiti í Ásmundarsal Tónlist Ebba Katrín og Oddur keyptu hús í miðbænum Lífið Segir Murphy gera lítið úr kynferðisofbeldi Bíó og sjónvarp Fleiri fréttir Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Sjá meira