Knightley á von á barni

Leikkonan Keira Knightley á von á sínu fyrsta barni með eiginmanni sínum, rokkaranum James Righton.

Talsmaður bresku stjörnunnar hefur staðfest tíðindin. Vangaveltur hafa verið uppi um óléttuna vikum saman í bresku pressunni.

Knigthley og Righton, sem er meðlimur The Klaxons, gengu í hjónaband í lágstemmdri athöfn í Frakklandi í maí í fyrra. 

Knightley, sem er 29 ára, var tilnefnd til Golden Globe-verðlaunanna í gær fyrir hlutverk sitt í The Imitation Game. Deginum áður var hún tilnefnd til Screen Actors Guild-verðlaunanna fyrir hlutverk sitt í sömu mynd.