Sigurður ráðinn aðstoðarþjálfari Lilleström

Sigurður Ragnar Eyjólfsson, fyrrum þjálfari kvennalandsliðsins og ÍBV, er á leið til Noregs að aðstoða Rúnar Kristinsson hjá Lilleström.

Sigurður hafnaði tilboði frá ástralska knattspyrnusambandinu og tók frekar tilboði Lilleström. Ástralir vildu fá Sigurð sem aðstoðarmann tæknilegs ráðgjafa sambandsins með möguleika á því að hann tæki við starfinu síðar.

Rúnar ætlaði upphaflega að taka Pétur Pétursson með sér til Noregs en Pétur og Lilleström náðu ekki saman við samningaborðið.

„Það verður spennandi að vinna með Rúnari en við höfum aldrei unnið saman áður," sagði Sigurður við rb.no.