Ljúffengur hafra og möndlu þeytingur

Þessi þeytingur er mjög bragðgóður og smakkast nánast eins og sælgæti. Hann er þó án sykurs og er tilvalinn í stað óhollra sætinda þegar löngunin í eitthvað sætt hellist yfir. Ekki skemmir fyrir að hann er stútfullur af næringu og er mjög seðjandi.

Uppskrift:

1/2 bolli möndlumjólk(venjuleg eða með vanillu)

1 frosinn banani

1/4 bolli hafrar

1 tsk chia fræ

1/2 tsk kanill

2 tsk vanilla extract duft

1 msk möndlusmjör

Blandið öllum hráefnunum saman í blandara á hæstu stillingu. Gott er að bæta klökum við í lokin.

Drekkið og njótið!