Sara Björk Gunnarsdóttir lék allan leikinn þegar Rosengård vann góðan 1-3 útisigur á rússneska liðinu Ryazan-VDV í 32-liða úrslitum Meistaradeildar Evrópu í fótbolta.
Sænsku meistararnir komust yfir með marki Katrin Schmidt á 52. mínútu og tólf mínútum síðar bætti hin brasilíska Marta öðru marki við.
Ksenia Tsybutovich, fyrirliði Ryazan, minnkaði muninn á 75. mínútu, en hollenski framherjinn Kirsten van de Ven gulltryggði sigur Rosengård með marki í uppbótartíma.
Seinni leikurinn fer fram í Malmö eftir viku, en óhætt er að segja að Sara og stöllur hennar séu í góðri stöðu eftir fyrri leikinn.
Katrín Ómarsdóttir kom inn á sem varamaður og spilaði síðustu 28 mínútur leiksins þegar Liverpool vann sænska liðið Linköping með tveimur mörkum gegn einu á heimavelli í Meistaradeildinni.
Rosengård í góðri stöðu
Tengdar fréttir
Umfjöllun, viðtöl, myndir og myndband: Stjarnan - Zvezda 2005 2-5 | Grátlegt stórtap Stjörnunnar
Rússneska liðið WFC Zvezda lagði Íslands- og bikarmeistara Stjörnuna í kvennaflokki 5-2 í fyrri leik liðanna í 32ja liða úrslitum Meistaradeildar Evrópu.
Leikur Stjörnunnar og Zvezda í opinni dagskrá á Stöð 2 Sport og Vísi
Stjarnan tekur á móti rússneska liðinu Zvezda 2005 í 32-liða úrslitum Meistaradeildar Evrópu á Samsung-vellinum í kvöld.
