Snakk á milli mála

Í Léttum sprettum í gær bjó Rikka til æðislegt snakk sem er tilvalið að narta í á milli mála.

Hér koma uppskriftirnar.

Grænkálssnakk

1 búnt grænkál

3 msk ólífuolía

1 tsk sjávarsalt

nýmalaður pipar, eftir smekk

1/2 tsk papríkukrydd

smjörpappír

Hitið ofninn í 180°C. Skerið stilkinn frá grænkálsblöðunum og raðið á pappírsklædda ofnplötu. Hellið ólífuolíu yfir blöðin og veltið þeim upp úr olíunni. Kryddið með salti, pipar og papríkukryddi. Bakið blöðin í u.þ.b 15-20 mínútur.

Hentublanda

70 g kasjúhnetur

70 g pekanhnetur

70 g möndlur

50 g graskersfræ

1 msk hampfræ

1 msk smjör

1 msk hlynsíróp

1 msk rósmarín

chilflögur á hnífsoddi

salt efir smekk

Þurristið hneturnar og fræin á meðalheitri pönnu. Bætið hampfræunum saman við og ristið í stutta stund. Bærið smjörinu út á pönnuna ásamt hlynsírópi, rósmarín og chiliflögum. Kryddið með salti og berið fram.