Vopnahlé rofið þegar eldflaugum var skotið

Hamas-liðar hafa skotið að minnsta kosti þremur eldflaugum frá Gaza og á Ísrael í miðju fimm stunda vopnahléi sem samið var um til að hægt væri að koma nauðþurftum til Gaza.

Á vef BBC segir að talsmenn Ísraelshers segi árásirnar hafa verið gerðar tveimur tímum eftir að vopnahléið tók gildi. Ísraelsher hefur enn sem komið er ekki brugðist sérstaklega við árásunum og talsmenn Hamas hafa ekki sent frá sér yfirlýsingu vegna málsins.

Palestínsk yfirvöld segja 227 Palestínumenn hafa fallið í loftárásum Ísraelshers frá því að þær hófust þann 8. júlí. Einn Ísraelsmaður hefur látist í eldflaugaárásum Hamas-liða.