Fótbolti

Alfreð æfði með Sociedad í fyrsta skipti í morgun

Tómas Þór Þórðarson skrifar
Alfreð með samherjum sínum á æfingu Real Sociedad í morgun.
Alfreð með samherjum sínum á æfingu Real Sociedad í morgun. mynd/twitter
Alfreð Finnbogason æfði með Real Sociedad í fyrsta skipti í morgun en hann gekk frá fjögurra ára saming við spænska félagið í gær. Mikið af stuðningsmönnum Baskaliðsins var mætt á æfinguna og höfðu þeir eðlilega mikinn áhuga á að sjá íslenska markahrókinn.

Sociedad borgar átta milljónir evra fyrir Alfreð eða jafnvirði 1,2 milljarði íslenskra króna. Hann var eftirsóttur í sumar eftir að verða markakóngur hollensku úrvalsdeildarinnar á síðasta tímabili.

Real Sociedad hafnaði í sjöunda sæti spænsku 1. deildarinnar á síðustu leiktíð og verður með í Evrópudeildinni í vetur. Bæði spænska deildin og Evrópudeildin eru á Stöð 2 Sport og verður Alfreð því fastagestur í skjám landsmanna á næstu leiktíð.

Spænski boltinn

Tengdar fréttir

Mest lesið


Fleiri fréttir

Sjá meira


×

Mest lesið