Ný saga af Harry Potter komin út

Harry Potter-rithöfundurinn J.K. Rowling kom aðdáendum bókanna heldur betur á óvart en hún birti fyrr í dag glænýja Harry Potter smásögu sem eingöngu kemur út á vefnum.

Smásagan er skrifuð af fréttasnápinum Ritu Skeeter sem allir Harry Potter aðdáendur kannast vel við. Smásagan, sem líkist fréttagrein í The Daily Prophet, ber titilinn „Her Dumbledore‘s sameinast í Quidditch-úrslitaleik“.

Í sögunni koma ýmis ný atriði fram, Harry er til að mynda orðinn 34 ára, með vott af gráum hárum og nýtt ör á kinninni.

Ron er orðinn meðstjórnandi Weasley‘s Wizard Wheezes, grínbúðarinnar sem tvíburabræður hans opnuðu, og Hermione er komin í góða stöðu hjá Galdramálaráðuneytinu eða Ministry of Magic.

Nánar má lesa um söguna hér.