Frostpinnar með honeydew-melónu og kóríander

Anna Birgis á Heilsutorgi deilir uppskrift með lesendum Vísis:

Ef það skildi nú bresta á með sól um helgina, þá mæli ég með að þið prufið þessa.

Hráefni:

½ bolli hrásykur - það má nota annarskonar sætuefni.

Eitt búnt af kóríander

3 bollar af honey dew melónu – skorin smátt

1 lime – kreista safann úr henni, ætti að ná í 2 msk

Sjávarsalt

Leiðbeiningar:

4-6 frostpinna form

Taktu lítinn pott og helltu ¼ bolla af vatni og settu sykurinn saman við og láttu suðuna koma upp. Hrærðu stöku sinnum þangað til sykurinn er alveg bráðinn. Þetta tekur um 5 mínútur.

Slökktu undir pottinum og bættu kóríander saman við og hrærðu vel. Láti þessa blöndu kólna í 30 mínútur.

Settu melónuna, lime safann og smá salt í blandara. Sigtaðu kóríanderblönduna saman við.

Látið hrærast vel saman þar til þetta er orðið mjúkt.

Helltu blöndunni í 4-6 frostpinna form. Best er að frysta þetta yfir nótt en annars ættu 5 tímar að vera nóg.