Fyrsta myndin úr Fifty Shades of Grey

Fyrsta prómómyndin úr kvikmyndinni Fifty Shades of Grey var birt á Facebook-síðu aðalpersónunnar Christian Grey í dag.

„Til hamingju með afmælið Christian Grey,“ er skrifað við myndina sem er af leikaranum Jamie Dornan í hlutverki sínu sem fyrrnefndur Christian.

Enn er talsverður tími í að myndin líti dagsins ljós en hún verður frumsýnd á Valentínusardaginn á næsta ári.

Leikkonan Dakota Johnson leikur Anastasiu Steele á móti Jamie en myndin er byggð á samnefndri skáldsögu eftir E.L. James.

Sam Taylor-Johnson leikstýrir myndinni og lauk tökum í febrúar.