Körfubolti

Duncan jafnaði við Magic

Ingvi Þór Sæmundsson skrifar
Tim Duncan lætur skot ríða af í leik næturinnar.
Tim Duncan lætur skot ríða af í leik næturinnar. Vísir/AFP
Tim Duncan náði merkum áfanga í nótt þegar hann jafnaði met Magic Johnson yfir flestar tvöfaldar tvennur (þ.e. þegar leikmaður nær tveggja stafa tölu í tveimur tölfræðiþáttum) í úrslitakeppni NBA deildarinnar.

Hinn 38 ára gamli Duncan skoraði 18 stig og tók 15 fráköst þegar San Antonio Spurs tapaði, 98-96, fyrir Miami í öðrum leik liðanna í úrslitum NBA deildarinnar. Þetta var í 157. sinn sem hann er með tvöfalda tvennu í leik í úrslitakeppni.

Hann náði sinni fyrstu tvennu í sínum fyrsta leik í úrslitakeppni vorið 1998, þegar hann skoraði 32 stig og tók tíu fráköst í sigri San Antonio á Pheonix Suns.

Flestar tvennur í úrslitakeppni NBA deildarinnar:

Tim Duncan - 157

Magic Johnson - 157

Wilt Chamberlain - 143

Shaquille O'Neal - 142

Bill Russell - 137

NBA

Tengdar fréttir

Líkaminn brást mér

LeBron James vonast til að geta tekið þátt frá upphafi þegar Miami Heat mætir San Antonio Spurs á ný á sunnudaginn. James neyddist til að hætta leik í nótt vegna krampa.

Miami jafnaði metin

LeBron James skoraði 35 stig og tók tíu fráköst þegar Miami Heat jafnaði metin í úrslitum NBA-deildarinnar með tveggja stiga sigri, 98-96, á San Antonio Spurs á útivelli.

Mest lesið


Fleiri fréttir

Sjá meira


×

Mest lesið