Tiago átti flottan leik á miðju Atlético Madrid í kvöld þegar liðið sló Chelsea út úr Meistaradeildinni og tryggði sér sæti í úrslitaleik Meistaradeildarinnar á móti nágrönnum sínum í Real Madrid.
„Þetta er draumur. Það er frábær liðsandi hjá okkur og við erum frábært lið. Við vinnum allir vel saman og nú erum við komnir í úrslitaleikinn í Lissabon. Draumar geta ræst," sagði Tiago við BBC.
„Það er ekki auðvelt að spila við Chelsea á Brúnni og við vissum það. Við vissum samt líka að Chelsea þyrfti að sækja meira en síðast og við vissum að við erum alltaf góðir á útivelli. Chelsea-liðið missti dampinn eftir markið okkar, við fengum meira sjálfstraust og hérna erum við," sagði Tiago.
„Real Madrid er með stórkostlegt lið með fullt af frábærum leikmönnum. Við unnum bikarinn á þeirra heimavelli á síðasta ári og mætum því fullir sjálfstraust í þennan leik," sagði Tiago kátur.
Tiago: Draumar geta ræst
Tengdar fréttir
Madrídarliðin mætast í úrslitaleik Meistaradeildarinnar
Atlético Madrid vann 3-1 sigur á Chelsea á Stamford Bridge í kvöld og tryggði sér með því sæti í úrslitaleik Meistaradeildarinnar í fótbolta þar sem liðið mætir nágrönnum sínum í Real Madrid.
Mourinho: Ein mínúta í seinni hálfleik réð öllu
Jose Mourinho, knattspyrnustjóri Chelsea, tókst ekki að koma sínum mönnum í úrslitaleik Meistaradeildarinnar í kvöld en liðið tapaði þá 1-3 á heimavelli á móti spænska liðinu Atlético Madrid og er úr leik.
Fyrsti borgarslagur sögunnar í úrslitaleik Meistaradeildarinnar
Spænsku félögin Atlético Madrid og Real Madrid mætast í úrslitaleik Meistaradeildarinnar í fótbolta í kvöld en þetta verður í fyrsta sinn í sögunni þar sem lið frá sömu borg mætast í úrslitaleik keppninnar.
