Viðar skoraði framhjá Hannesi

Viðar Örn Kjartansson átti stóran þátt í 3-0 heimasigri Vålerenga á Sandnes Ulf í fjórðu umferð norsku úrvalsdeildarinnar í dag. Viðar skoraði fyrsta mark leiksins á lokamínútu fyrri hálfleiks og lagði svo upp þriðja mark Vålerenga fyrir Nicklas Gunnarsson á 61. mínútu, en tveimur mínútum áður hafði Rasmus Lindkvist liðinu í 2-0. Viðar hefur nú skorað fjögur mörk fyrir Vålerenga í fyrstu fjórum leikjum tímabilsins.

Landsliðsmarkvörðurinn Hannes Þór Halldórsson lék allan leikinn fyrir Sandnes Ulf sem og Steve Lennon, fyrrverandi leikmaður Fram.

Start vann góðan útisigur á Álasund með mörkum frá Zlatko Tripic og Ernest Asante, en Daniel Arnefjord minnkaði muninn fyrir Álasund undir lok leiksins. Matthías Vilhjálmsson lék allan leikinn fyrir Start, en Guðmundur Kristjánsson fór af velli eftir tæplega hálftíma leik vegna meiðsla. Tveir fyrrum leikmenn Selfoss, þeir Babacar Sarr og Robert Sandnes komu inn á sem varamenn hjá Start.