Björn Bergmann „í öðrum gæðaflokki“

Arild Stavrum fer fögrum orðum um Björn Bergmann Sigurðarson, leikmann Molde, í pistli á heimasíðu Verdens Gang.

Björn Bergmann er kominn aftur til Noregs eftir dvöl hjá Wolves í Englandi en hann sló áður í gegn hjá Lilleström.

Sóknarmaðurinn öflugi er nú kominn til Molde og segir Stavrum í pistli sínum að með þeim félagaskiptum hafi félagið tekið stórt skref í átt að norska meistaratitlinum.

„Sigurðarson er oft í öðrum gæðaflokki en flestir aðrir í Tipeligaen. Þannig var það síðast þegar hann var hér og þannig var það gegn Vålerenga,“ skrifaði Stavrum en Björn Bergmann skoraði annað marka Molde í 2-0 sigri á Vålerenga á föstudagskvöldið.

Smelltu hér til að lesa pistilinn.