Samvinnuverkefni Scintilla og Blómavals

Scintilla kynnir á Hönnunarmars 2014 samvinnuverkefni Scintilla og Blómaval sem fengið hefur nafnið “The Scintilla Garden ” en þetta kemur fram í fréttatilkynningu frá Scintilla.

Scintilla hefur hannað fyrir Blómaval blómapotta sem framleiddir verða í sex litum og verða einungis seldir í verslunum Blómavals. Fram kemur í tilkynningunni að verkefnið verði kynnt í garðhýsi frá Blómaval sem komið verður fyrir á Lækjartorgi.

Þar verða til sýnis blómapottarnir ásamt fleiri vörum Scintilla sem þar verða til sölu. Opið verður í garðhýsinu 27. mars frá 11-22, 28. mars frá 11-18 og frá 11-17 dagana 29.-30. mars.

Formleg opnun “The Scintilla Garden” verður fimmtudaginn 27.mars kl. 17:00 á Lækjartorgi og verður þar boðið uppá drykki frá Somersby og Sumarstemningu.

Scintilla er íslenskt fyrirtæki sem hannar og framleiðir vörur fyrir heimili með áherslu á textíl.