Fyrsti undanúrslitaþátturinn af Ísland Got Talent verður sýndur í opinni dagskrá á Stöð 2 á sunnudagskvöldið. Sjö atriði af ýmsum toga keppa um atkvæði þjóðarinnar til að eiga möguleika á að komast í úrslitaþáttinn og vinna tíu milljónir króna.
Karitas Harpa ætlar að reyna að syngja sig inní hjörtu landsmanna í undanúrslitunum. Við kynntumst henni aðeins betur.
Fullt nafn: Karitas Harpa Davíðsdóttir
Aldur: 23 ára
Starf: Starfsmaður í félagsmið stöðinni Zelsíuz á Selfossi
Símanúmer til að kjósa hana í Ísland Got Talent: 900-9504
Af hverju á fólk að kjósa þig?
Nú, fólk á að sjálfsögðu bara að kjósa mig ef það langar til þess og hefur áhuga á því að styðja mig áfram í þessu ævintýri!
Hver er draumurinn?
Draumurinn væri að sjálfsögðu að geta unnið við og framfleytt mér á tónlistinni, jafnvel í bland við leiklist. Annars ætla ég að einbeita mér að því að hafa bara gaman af þessu!
Hvaða lag tekurðu í karókí?
Sennilega eitthvert Disney-lag, eða Spice Girls!
Hvaða minning stendur upp úr úr Ísland Got Talent?
Þær eru nú nokkrar, en þegar Jón Jónsson þefaði út í loftið og spurði hvaða lykt hann fyndi situr alveg svolítið í minninu.
