Lily Allen með nýtt myndband

Enska tónlistarkonan Lily Allen hefur sent frá sér nýtt myndband og er það við lagið Our Time. Lagið er þriðja smáskífulagið af nýrri plötu frá Allen en platan ber nafnið Sheezus. Áður höfðu lögin Hard Out Here og Air Balloon komið út.

Allen leikur þrjár mismunandi persónur í myndbandinu og lítur glæsilega út. Þá tilkynnti hún lagaröðina á plötunni á vefsíðunni NME. Lagið Somewhere Only We Know, sem hún fékk í láni frá hljómsveitinni Keane er bónuslag á plötunni.

Hún sendi frá sér eigin útgáfu af lagi Keane á síðasta ári. Gert er ráð fyrir að platan komi út með vorinu.