Misheppnuð heimsmetstilraun

Eins og greint var hér frá á föstudaginn síðasta ætlaði franski ökuþórinn Guerlain Chicherit að bæta heimsmetið í „langstökki“ á bíl og komast 110 metra. Metbætingin átti að fara fram á sunnudaginn í skíðabænum Tignes í Frakklandi, en vegna mikill þoku reyndi hann ekki við metið fyrr en í gær.

Tilraun hans fór ekki vel að þessu sinni og lenti bíllinn á nefinu eftir stökkið langa og fór ansi margar veltur í kjölfarið. Stökkhornið virðist ekki hafa verið rétt útreiknað og því fór sem fór, en því lengri sem svona stökk eru því nákvæmara þarf hornið og hraði bílsins að vera.

Þótt ótrúlegt megi telja þá slasaðist Chicherit ekki við þessi ósköp, en engu að síður var hann færður á spítala þar sem hann þurfti að dvelja síðustu nótt. Hann segist sjálfur vera við hestaheilsu og skrifar á Facebook þaðan af miklum móð. Það er með miklu ólíkindum ef aðfarirnar eru skoðaðar í myndskeiðinu hér að ofan.