Beyoncé vill barnvænt búningsherbergi

Bandaríska söngkonan Beyoncé fer fram á að tvö hvít handklæði, tvö stykki af Irish Spring sápustykkjum og hvít húsgögn séu í búningsherbergi hennar á tónleikaferðalögum. Tímaritið In Touch birti hluta af kröfulista söngkonunnar, en slíkur listi kallast rider á enskri tungu.

Á kröfulistanum er farið fram á að búningsherbergin séu í anda setustofu og að hitinn þar inni sé passlegar 22 gráður. Búningsherbergin eiga einnig að vera barnvæn, þar eiga hvorki að vera hvöss horn eða vírar, og maturinn á að vera borinn fram á dúkuðu borði.

Skiptar skoðanir eru á því hvort kröfulisti Beyoncé sé óhóflegur eður ei, en hún tekur dóttur sína, Blue Ivy, með á tónleikaferðalög sín og því eðlilegt að söngkonan reyni að búa þannig um hnútana að barninu líði sem best.

Kröfulisti Beyoncé:

Ilmkerti sem ilma af vínberjum.

Hvít húsgöng, þar á meðal sófi, legubekkur og gardínur.

Spegill í fullri lengd.

Tvö gólfteppi.

Tvö hvít handklæði.

Sápuskammtari.

Tvö Irish Spring sápustykki.

Borðstofuborð sem er 250 sentimetrar að lengd.

Þrjár litlar ruslatunnur.

Matvinnsluvél svo hægt sé að búa til ávaxtadrykki.