Nýtt frá Jack White og félögum

Rokksveitirnar The Dead Weather og The Raconteurs ætla báðar að gefa út ný lög hjá útgáfufyrirtæki Jacks White, Third Man Records.

White er meðlimur í báðum sveitunum.

Tvö lög frá The Dead Weather, Open Up (That´s Enough) og Rough Detective, koma bæði út á smáskífum áður en breiðskífa lítur dagsins ljós árið 2015. Það verður fyrsta breiðskífa sveitarinnar síðan Sea of Cowards kom út árið 2010.

The Raconteurs ætlar að gefa út tónleikaplötuna Live At The Ryman Auditorium. Hún var tekin upp í Nashville árið 2011 og hefur að geyma þrettán lög.